නවතම සිනමා පටයක් වන පැරඩයිස් නරඹන්නට හැකියාව ලැබිණි. කෙටිකතාවක ප්‍රස්තූතයක් මුල්කරගෙන සියුම් ආවේග ඉදිරිපත්කිරීමක් සිදුවන මෙම සිනමා පටය සාමාන්‍යයෙන් අප දකින මුලක් අගක් ඇති කතාවකට වඩා වෙනස්ය.
ශ්‍රී ලංකාවේ මෑත අතීතයේ අරගල සමයේ මෙරටට පැමිණි ඉන්දීය ජාතික යුවළකට අත්වූ කම්පිත සිදුවීම් මාලාවක් කතාවට පසුබිම් වේ. කතාව ගලාගෙන යන්නේ බොහෝ විට ඉංග්‍රීසි බසිනි. සිංහල හා දෙමළ දෙබස් වරින්වර අන්තර්ගතව ඇත,
විවාහක ඉන්දීය ජාතික යුවළ සිය 5 වන විවාහ සංවත්සරය සැමරීමට ලංකාව තෝරාගනී. ඔවුන් පැමිණෙන්නේ ලංකාවේ උග්‍ර ඉන්ධන අර්බුදයක් හා විදුලි බල අර්බුදයක් පවතින අතරවාරයේය.
ඉත‍‍ා හිතෛශීවන්ත ගමන් මාර්ගෝපදේශකයෙකු ඔවුනට ලංකාවේදී ලැබේ. ඔහුගේ උදව්වෙන් ඔවුන් දෙන්නා නුවරඑලියේ නවාතැනට යන අතර මෙම විවාහක පිරිමියාට එරට සිට එන ඇමතුමකින් අලුත් ව්‍යාපෘතියක් අරඹන්නට ඇණවුමක් ලැබේ. පරිගණක ආශ්‍රිතව සිදුකළ යුතු නිර්මාණ කාර්යයක් වන ඒ සඳහා හොඳ මුදලක් ඉපැයිය හැකියයි ඔහු විශ්වාස කරන අතර ලංකාවේ ගතකරන කාලය තුළදී එහි වැඩ අරඹන්නට ඔහු අදහස් කරයි.
මෙම යුවළ ලංකාවේ ගත කරන්නේ ඔවුන් පමණක් සිටින බංගලාවකය. එහි ආහාර පිසීම හා අත්උදව් සඳහා දෙන්නෙකුද සිටින අතර රියදුරු හා එකී දෙන්නා වෙනම කොටසක නවාතැන්ගෙන සිටී.
විදේශ යුවළ පළමු රාත්‍රියේදී බිහිසුණු අත්දැකීමකට මුහුණපායි. ඒ ඔවුන් සිටි කාමරයට ආ හොරු තිදෙනෙකු නිසාය. යුවළ අවදිවන්නේ හොරු ඔවුන්ගේ මුහුණ දෙසට කඩු එල්ල කර බියගන්වා තිබූ වේලාවේය. ඔවුන් බිය කළ සොරු කාමරයේ තිබූ ලැබ්ටොප් හා ජංගම දුරකථන පැහැරගෙන පළා යති.
ඉන්පසු සිද්ධිදාමය දිග හැරෙන්නේ තමන් කරන්නට ගිය කටයුතු හා සියලු සැලසුම් අවුල්ව යාමෙන් කලකිරීමට පත්වන යුවළ සොරුන් සොයා පොලිසි යමින් කළ රස්තියාදුවය.
පොලිසියේ ප්‍රධානියා ඉන්ධන අර්බුදය නිසා ගමන් කරන්නට හැකියාවක් නැතැයි කියමින් මෙම අවනඩුව මගහරින්නට උත්සාහ කළත් ඉන්දීය මහකොමසාරිස් කාර්යාලය දැනුවත්කරන බව දැන්වූ පසු විදේශ ජාතිකයාට බයපක්ෂපාත වන අතර සොරු අල්ලන්න උනන්දු වෙයි.
නමුත් පොලිස් ප්‍රධානියා එය නිසියාකාරව සිදුකරන්නේ නැත. වතුකරයේ දමිළ තරුණයින් තිදෙනෙකු සැකයට ගෙනවිත් ඔවුන් සොරුන්දැයි සැකයට පහරදෙමින් අසා බලහත්කාරකම් පෙන්වයි. මේ අතර පහරදීම නිසා එක් තරුණයෙකු අවාසනාවන්ත ලෙස මියයයි. මෙම මරණය නිසා ජනතාව අතර පොලිසියට එරෙහිව හා විදේශ ජාතිකයින් දෙන්නාට එරෙහිව කෝපයක් මතුවන අතර කතාව අවසන් වන්නේ පිරිස මෙම නවිදේශ ජාතිකයින් පොලිස් ආරක්ෂාව මැද බංගලාවේ සිටියදී පහරදීමට පැමිණෙන අවස්ථාවෙන්ය. විදෙශ්ජාතික පිරිමියා පිරිසට වෙඩි තබන අතර මෙම අවස්ථාවේ විදේශ ජාතික කාන්තාවගේ අතේද තිබූ අනෙක් තුවක්කුවෙන් උණ්ඩයක් වැදී ඇගේ සැමියා මියයයි.
සැමියාගේ මරණය ඇය හිතාමතා කලාද ඉයන සැකයද ඉතිරිවන්නේ ඇය කතාව පුරාම අන්අයට අනුකම්පාදැක්වීමට දැක්වූ ළැදියාව සමග එන අදහස් නිසාය.
Paradise චිත්‍රපටය ගැන විමසුමක්
